राजविराज, साउन २५ । सप्तरीको रुपनी गाउँपालिका–५ अन्तर्गत् तेरोहतास्थित पोखरीमा बुधबार डुबेर एक बालिकाको मृत्यु भएको छ ।
सोही गाउँपालिका–६ जगमोहनटोल घर भइ तेरोहोता माइती गएकी अमिरिकादेवी चौधरीको तीन वर्षीया छोरी दीपिका चौधरी घरनजिकैको पोखरीमा डुबेर मृत्यु भएको प्रहरी नायब उपरीक्षक यादवराज उप्रेतीले बताए ।
उनी खेल्दाखेल्दै सो पोखरीमा डबेको प्रहरीले जनाएको छ । गत साउन २३ गते अमिरिकादेवी रक्षाबन्धनका लागि माइती गएकी थिइन् ।
बालिकाको शव परीक्षणका लागि राजविराजस्थित गजेन्द्रनारायणसिंह सगरमाथा अञ्चल अस्पतालमा ल्याइएको र अनुसन्धान थालिएको जिल्ला प्रहरी कार्यालयले जनाएको छ । रासस
0 comments:
Post a Comment
Note: Only a member of this blog may post a comment.